تكرهني وأكرهــــــــــــــــــــــــــــــــــــــــــــــــــــك

تكـرهني واكرهك هيچي انت تريد ؟؟
حسبالك سهل ؟؟ مو سهل نسيانك
تكدر تنسه انته وتكره الحبوك ؟
تكدر تجرح انت العشك بستانك ؟؟
بس ضكت الفواكه وانت مو طماع
وشميتك ورد مكطعت ريحانك
لان ضكتك ضجت تكرهني ليش شبيك ؟؟
وبقسوة تعامل ﮔلبي الصانك
بعيونك حجي .. اتغيره ليش وياي ؟؟
انه امدوزنك ومألف الحانك
ليش لسانك يغيير حجي العينين ؟؟
ليش تخون عينك انت بلسانك ؟؟
انت ﮔليبك ابيض شو قسيت وياي !
هسه ادري شعجب شو كثرت الوانك ؟؟
انطيتك عشك ما شفته من الغير
ﮔلي شقدمتلي وانت هيانك ؟؟
ادﮒ بابك اذا شفتك نمت مقهور
واتعذر وأﮔلك ردني لحضانك
تجازيني بسهر وبداء ضد النوم
وارد ارجع ابوسك و أنخه بيبانك
عشت وياك اداين عمري لك كل يوم
وانت الماينام بليل ديانك
ميزانك جنت مكشوف دوم وياك
عليك يهون يمكن تنسه ميزانك ..؟..
تجرحني واشوفك تضحك بكل صوت
وما يغلط ابد بعيوني نيشانك
طير انه ولكيتك بيك كوم اغصان
ﮔلت ارتاح يمك واغفه بحضانك
وكفت انه اعله غصنك ما قصدت ااذيك
اشو بلاريح وخرت مني اغصانك
قصدك واضح ادري تريد اطير ابعيد ..
هاذ انه وطرت من جنة اوطانك
جيرانك اضل لاتنسه حق الجار
من بعيد سلم انه جيرانك
ولو ماضن تراني هنا وانت ابديت
حبيتك ولو هجرني بستانك

يا الله على هذا الابداع من مشرفتة الجميلة

أميرة منورة اختي او اهلاً بيك

مشكوره اموره على هل الكلمات اللي تنبع من داخل القلب
نورتي المنتدى وننتظر المزيد ... Smile