هو..
انشدك ياگمر صير انت قاضـــــــي
وطلعن يانجوم وشهـــدن الماضي
علـيه وعليهه بالعـشـگ راضـــــــي
وريدن حل هسه وتــفض مشكلتي
هو...
مشــكـلتي غريــــبه وروحي حارت
تسألـوني عليهه شــــــلون صارت
هـاي الروح الهــه اليــــــوم زا رت
حزينه تگـــــول ماوگـــفت دمعــتي
هي...
شلونك ياعـزيز الروح جــــــاوبني
كلامك بالطـيف يحبـــيب وصــــلني
شلونك انت انه اعـله العـــــهد اني
وكل لـــحظه التــمرني تزيد محبتي
هو...
تعب گـــلبي عــليچ اليوم حـــــــاير
وياچ اصبحت رسام وصرت شاعـر
دشوفيني موگــــمت اكـسر الخـاطر
وعــلى افـــراكچ مابطـــــلت ونــتي
هي...
سألت النجوم اعــــــــليك دلـــوني
لگيتـــــــك حايــر ليــش يعــــيونـي
دبسك ياحبــيبي وسـلوة ظــــنونـي
مو حــزنك حــرگ گــلبي وچــبدتـي
هو...
صرت احزن عليـچ اهواي وانـحب
مو بــــيدچ رحــــلتي شــلون اعـتب
هددوچ ولا عــذر عـدهم لا ســبب
وتركـتيني هسه وعـفـتي منطـقـتــي
هي...
هجرناها وصبحنه كــلمن بمنـطقه
حطًـو بـالظرف دعوة عرس طـــلقه
والمسلسل ينــتهي بأخـر الحــلقه
ويجي يوم شوفـني وتسمع ضحكتي
هو...
يحبيبه ليش الحزن والتفــــــــــكير
انه وياچ اصبحــــــت نفس المصير
لا تبچين لازم ســــــــره عالتفجير
وشوكت ميعچـــــبچ اقري فاتحتي
هو...
واســـــــألك ياگمر انــته اضــحـكت
ود مــع عينك ترس خـدك مابـطلت
ردتـــــــــك عون فرعون اطـلعـــت
وانـــتي يانجوم اعلــيمن اضحكتي
الكمر.............
اخبــرك يل تحـــب اهـواك انتـــــه
عليمن هالـــــدموع النزلـته بسـكـته
باچر تلتقون وكـــــلمن وبخــــــته
بس انه الوحيد الضيعـت بــــخــتي
الكمر............
يسألونك عليه بـــاچر المـــــجـمع
ليش غايــب وضــواي مايســــــطع
گلهم هددوه اللــــيله مايطــــــــلع
وحـتى الشمس تبــــــچي البچـــيتي
وحتى الشمس تبچي البچيتي
تقبلوا تحياتي ...
الأربعاء فبراير 06, 2008 1:46 am
